順壽司日本料理 (已搬遷) 新店位置

較早前從網上下載了一份有關香港日本餐廳的評分報告，得知此壽司店的評分甚高，相約三五知己慕名前往一試。當日座無虛席，但裝修簡約。以為一定掂，試了一些前菜，如枝豆、螢光魷魚和串燒等，一般質素但上等價錢。最氣憤的是服務絕對稱不上好。每人都想試吓海膽手卷，單價$105一件，因侍應介紹北海道海膽會甜啲及好味啲，朋友二話不說便order每人一件，海膽份量可以接受，但味道絕對不及加拿大海膽好味。之後再試了$380可選5樣的熱薰，尚算抵食，可惜辣酒花螺賣哂。點知食食下，傾傾下偈，有人問啲北海道海膽幾錢件？侍應話惠$165蚊一件，有冇聽錯？食人隻車咩?咁普通嘅質素，貴過高級洒店嘅價錢，最後大家都覺得俾人揾笨，轉戰第二間填飽埋個肚。味道俾5分嘅食客不是做馬就是未食過好哩予，我决定以後都唔會再去呢間壽司店。