利強記北角雞蛋仔

營業中

休息中

我之前食過另一間，外脆內軟，但我唔會講邊間，廢事賣廣告。呢間既雞蛋仔我唔會話唔好食，但無傳聞中講到咁好食。首先佢個皮係脆既，但入面唔夠軟，做唔到外脆內軟既口感。會變左好似食緊餅乾。我個人偏好外脆內軟，可能口味唔太一樣。不過呢個鋪好犀利，雖然係一條小窄巷度開鋪，連行都唔夠位既時候都仲有唔小人排隊，名氣就真係十足十，就算未聽過佢個名都會俾條隊吸引到。另外佢呢排隔離開左間飲品鋪，唔知佢地係合作定根本同一個老闆喇，佢地就出左個優惠可以平買野飲，我買左杯蜜桃烏龍茶，都唔錯既，唔洗淨食雞蛋仔咁乾。但我應該唔會再食多次呢間了。