agnès b. LE PAIN GRILLÉ (已結業)

收工去逛街，血拼完，經過呢間食店！而家啲公司好多元化，買衫會做埋食品！呢間就係時裝店旁間隔一個位，放雪櫃賣埋西餅！黑色主色，好有格調，西餅款式特別，我揀緊時無店員的，過一陣店員返來，西餅介紹嘅描述嘅字比較細，我直接啲問店員，佢好有心機將全部西餅簡報一次比我知，一件都係$38（普通款）$48（聖誕節限定款）比想像中平，最後我响「Chocolate Moose」同「Anelie」抉擇不下（兩件都想試）最後揀了朱古力慕絲，但對眼好唔爭氣望住落選嘅一位！店員準備用一個黑色名牌紙盒裝餅時，講咗句好邪惡嘅說話：不如你要埋佢，最後都帶晒佢地返屋企！ Chocolate Moose:金字塔形狀，上面有塊星星朱古力，慕絲好濃朱古力味，中間朱古力蛋糕鬆軟，夾埋一齊食！滿咀香濃朱古力味，但如果有多一件餅，呢款最好最後食，唔係就會比佢蓋過其他味！Anelie:其實係千層蛋糕，有用膠紙圍邊保存水份，唔乾！文字介紹話有朱古力蛋糕、士多啤梨蛋糕，白朱古力忌廉，同杏桃蓉，食落只係一種感覺，蛋糕好鬆軟，幾隻味一齊食都分唔開，唯一係杏桃肉比較硬，夾在鬆軟蛋糕中央唔係咁夾！一般！個店員個樣比較cool! 但服務又幾殷勤爽