Brilliant Cooking (已結業)

有日因要幫屋企人去新都會廣場買野，買完之後冇咩節目，所以周圍行下，開始見肚餓，諗住穿過葵涌廣場搵下野食，我上OpenRice search 附近西餐(因本人好鍾意食西餐),search到一間叫Brilliant Cooking,離葵涌廣場好近，只需一落天橋就到，我入到鋪入面，地方都算大，而且坐得好舒適，果時大概差唔多12點，已坐左半場，侍應拎餐牌比我睇，我見到有款我鍾意食嘅邪惡野，吉列豬扒，佢標明「即叫即炸」，可選擇配白飯，薯條同沙律菜，另+$10有湯及餐飲，當個侍應端上個主菜黎，我「嘩」左一聲，塊吉列豬扒總大過隻碟，一切落去，有肉汁流出黎同埋脆卜卜嘅聲，一d都冇乾柴柴嘅感覺，可想言之真係即叫即炸，如果唔係唔會有肉汁流出來，吉列豬扒夠晒味，基本上都唔使點個黑椒汁，呢間餐廳性價高，Lunch唔算貴，值得推薦