影片
更多
2014-01-18
713 瀏覽
已經有成差唔多一年冇寫過食評了, 見宜家sem break得閒就黎update下, 皆因最近食過一間唔錯既餐廳, 我好欣賞, 值得我為佢寫2014年既第一篇食評 。第一次去呢度食係十二月既事黎, 果時佢已經開張左兩三個月, 聽媽子講話有間野開左係新墟, 周圍派傳單, 反正都諗唔到食咩, 擇日不如撞日, 即刻去左試 。去到店果時真係窒左一窒, 估唔到佢會開係呢度, 呢條街好靜, 平時都唔多人行, 好少食肆會開係呢D位(隔離間妙法齋都係有熟客客源先生存到咁耐), 不過既然佢咁有信心開係呢度, 點都要入去一試。店面有個大蕃茄, 好符合TOMATO專門店既形象 門口外面有一個大餐牌, 上面寫左當日既set, 佢得A同B兩款, 不過唔理lu, 醫肚緊要, 媽子叫左個set lunch粟米汁龍利柳飯, 我叫左個menu上既鮮茄MIXMIX肉腸意粉, 佢地所有飯/意粉餐都有得跟一杯蘋果汁/橙汁, 等左十分鐘, 終於上枱 , 可能因為我地十一點幾去既關係, 佢地岩岩先煮, 所以要等下 上到枱, 賣相真係一流, 睇落真係拍得住D高級餐廳, 食落亦有相當水準, 先試個醬汁, 睇得見一舊舊既蕃
第一次去呢度食係十二月既事黎, 果時佢已經開張左兩三個月, 聽媽子講話有間野開左係新墟, 周圍派傳單, 反正都諗唔到食咩, 擇日不如撞日, 即刻去左試 。
去到店果時真係窒左一窒, 估唔到佢會開係呢度, 呢條街好靜, 平時都唔多人行, 好少食肆會開係呢D位(隔離間妙法齋都係有熟客客源先生存到咁耐), 不過既然佢咁有信心開係呢度, 點都要入去一試。店面有個大蕃茄, 好符合TOMATO專門店既形象 門口外面有一個大餐牌, 上面寫左當日既set, 佢得A同B兩款, 不過唔理lu, 醫肚緊要, 媽子叫左個set lunch粟米汁龍利柳飯, 我叫左個menu上既鮮茄MIXMIX肉腸意粉, 佢地所有飯/意粉餐都有得跟一杯蘋果汁/橙汁, 等左十分鐘, 終於上枱 , 可能因為我地十一點幾去既關係, 佢地岩岩先煮, 所以要等下
上到枱, 賣相真係一流, 睇落真係拍得住D高級餐廳, 食落亦有相當水準, 先試個醬汁, 睇得見一舊舊既蕃茄肉包住D醬汁, 咬落啖啖肉, 汁同肉一齊係口腔裏面迸發出來, 濃郁既茄味即刻充滿哂成個口, 接住食既意粉亦都食到秘製醬汁既味道, 肉腸則冇乜特別, 一般般。整體黎講, 基本上係食佢既招牌蕃茄, 真係做得有水準 我自問食過咁多茄汁意, 食到冇用現成貨開既已經少之又少, 淨係自家製呢一點已經值得我再去幫襯, 加上我又係鐘意食蕃茄之人, 一個字: 正!!! 橙汁就普普通通。至於媽子既set, 佢話D粟米汁OK, 濃度恰到好處, 薄身一層包住飯同魚, 味度亦帶微甜, 非常適合送飯, 個龍利柳係炸既, 呢個真係有驚喜, 魚炸得好香口, 外脆內嫩, 魚本身冇太多既調味, 冇蓋過佢本身既魚味, 而係靠個汁帶起, 又係一個讚順帶一提, 我之後都黎呢度食過好幾次set lunch, 佢D炸野真係好好食, 炸雞翼、炸魚都係大力推介!而且佢set lunch都只係$36, 堅係抵! 而且份量又OK, 再加埋杯野飲, 其實夠哂數
之後有次去左食早餐, 諗住試埋佢地既招牌蕃茄湯, 入到去睇住個menu, 諗左好耐, 因為佢D價錢同份量都有D微妙
$29雙拼(多幾款選擇)粉麵早餐(轉蕃茄湯+$3) VS. $30蕃茄雙拼粉麵早餐+西多士, 睇你好唔好蕃茄, 唔好既就會係$26果個抵D, 不過我果時唔太肚餓, 所以叫左個$29既火辣牛丸拼漢堡扒蕃茄濃湯螺絲粉, 早餐全部係跟果汁/咖啡/茶, 照舊橙汁, 今次呢餐係睇左OP食評先去的, 所以唔駛諗一定係叫螺絲粉, 意粉會難吸汁, 果然冇叫錯, 螺絲粉焯得剛剛好, 軟軟的, 坑紋鎖實左湯汁, 一絕!蕃茄湯亦冇令我失望!極度濃郁且充滿茄香, 個湯濃到甚至食到蕃茄碎同皮, 不愧為招牌, 必食! 黎到呢度唔食佢同冇黎過冇分別, 加果3蚊絕對係物有所值! 至於火辣牛丸則麻麻地, 只有辣味而冇其他味, 即使浸係蕃茄濃湯入面仍然吸唔到味, 呢個唔推介漢堡就冇咩特別, 都係普通現成貨。而媽子就叫左鬆軟豬扒蕃茄濃湯螺絲粉配西多士, 最主要係要試佢個鬆軟豬扒, 因為見好多食家都推介佢, 果然正! 佢好食在唔同出面一般茶餐廳既豬扒, 出面果D會拿得好勁, 基本上只係食到鬆肉粉/雞粉味, 但佢呢度就做得好好, 入味之餘又唔會韌, 完全做到「鬆化」呢一點, 實為上品。不過佢既份量足以抵得上一個lunch, 稍為細食既朋友食完佢都唔駛食晏咁滯, 而且佢早餐做到十一點半, 早一點黎不妨一試, 當做lunch都唔錯
題外話/補充資料：
set lunch抵食!
(以上食評乃用戶個人意見 , 並不代表OpenRice之觀點。)
張貼
