影片
更多
2017-07-24
94 瀏覽
旺角做野做晏左，4點幾先食揾野食，唔想食得肥膩，又唔想乏味，諗嚟諗去最終揀左去染布房街嘅老點食點心，既可以坐得舒服，點心份量唔會太大，可以貪心啲食多幾樣，最重要係唔會太肥太濃味，夏天食啱哂。室內裝修傾向新派，係年輕人受落嘅潮潮哋，又毫不拘緊嘅格局。今次係第一次食老點，睇睇餐牌，雖然名叫老點，但賣嘅點心賣相，選料製作都有一股潮味，毫無老態。在價格方面，老點亦冇老點食客，作價由HK$10餘到HK$30餘不等，算係親民貼地。點左三樣點心，除左灌湯餃喺其他酒樓食過，我懷疑清酒雲吞雞同響鈴腸粉都係佢地嘅原創食物，小弟從未喺其他點心專門店同茶樓見或者食過，喺餐牌上面有好多我喺外面食肆見都未見過嘅點心。腐皮製響鈴腸用嫩滑腸粉包住炸物好似春卷同埋米漿春卷嘅點心，已經並唔係新菜式，但包住腐皮製嘅響鈴腸就係小弟睇中嘅創意，口感有粉皮嘅幼滑、響鈴嘅鬆脆同豬肉饀嘅彈牙，三樣溝埋一齊口感豐富到不得了！覺得比用春卷做饀口感更好，因為春卷皮畢竟有啲硬，有啲哽牙，脆但就唔鬆化。灌湯餃餃上有好超多素翅，先試湯，唔錯鮮而不太鹹，然後再爬開隻餃，裏面差唔多全部係海鮮，有好多蝦，又有小元貝，加埋竹笙同小量豬肉，饀料豐富鮮味，
室內裝修傾向新派，係年輕人受落嘅潮潮哋，又毫不拘緊嘅格局。
今次係第一次食老點，睇睇餐牌，雖然名叫老點，但賣嘅點心賣相，選料製作都有一股潮味，毫無老態。
在價格方面，老點亦冇老點食客，作價由HK$10餘到HK$30餘不等，算係親民貼地。
點左三樣點心，除左灌湯餃喺其他酒樓食過，我懷疑清酒雲吞雞同響鈴腸粉都係佢地嘅原創食物，小弟從未喺其他點心專門店同茶樓見或者食過，喺餐牌上面有好多我喺外面食肆見都未見過嘅點心。
腐皮製響鈴腸
用嫩滑腸粉包住炸物好似春卷同埋米漿春卷嘅點心，已經並唔係新菜式，但包住腐皮製嘅響鈴腸就係小弟睇中嘅創意，口感有粉皮嘅幼滑、響鈴嘅鬆脆同豬肉饀嘅彈牙，三樣溝埋一齊口感豐富到不得了！覺得比用春卷做饀口感更好，因為春卷皮畢竟有啲硬，有啲哽牙，脆但就唔鬆化。
灌湯餃
餃上有好超多素翅，先試湯，唔錯鮮而不太鹹，然後再爬開隻餃，裏面差唔多全部係海鮮，有好多蝦，又有小元貝，加埋竹笙同小量豬肉，饀料豐富鮮味，已前老式酒樓造嘅灌湯餃會好多肥肉，有時會加入雞膶，啲饀食落會好膩，但呢度做嘅就完全冇呢個問題。
清酒雲吞雞
湯頭好甜，但就冇乜清酒味，反而有一點點嘅玫瑰露味道，肯定加左些少玫瑰露酒落去。雲吞好完整，皮無爛，有蝦有肉係廣東雲吞，而雞件有腌過入味，整體味道同喺上海鋪頭食嘅好唔同。
食完飽哂，買單HK$100，三款點心都甚有特色，冇老點，亦毫不老餅，名叫老點，但點心設計新派。
張貼
