栢檔去骨海南雞飯 (已結業)

之前有朋友介紹, 係佐敦叫同一集團既外賣, 雞同油飯的味道十分之不俗, 所以之後自己一個人去到九龍城, 見到同一集團, 就二話不說走入去幫趁, 但結果就十分之失望!!!我叫左一個豬頸肉海南雞雙拼飯, 但係油飯同我之前所食的味道完全唔同, 無油香兼乾, 只不過似白飯用小許油加光澤一樣, 豬頸肉更加是淡而無味, 食左兩啖, 立即比錢走人!!想要健康又要食油飯, 邊有咁理想呀!! 如果要食淡而無味既飯同無雞油既雞, 咁不如食其他餸好過, 希望店主真的好好想一想.....