坤記糕品專家 (已結業)

去到深水埗，咁就一定要試下哩間中式甜品啦紅豆糕係我覺得做得最出色既。咬落去食到糯米既香甜同小小煙韌，有口感，最重要既係紅豆份量超級多！！每一啖都食到紅豆，紅豆煮得啱啱好，唔會軟爛或者太硬，粉粉的又不失咬口。整體甜度不算太高，很不錯芝麻糕一層層的，質感唔會過硬，有彈性。但略嫌芝麻味唔夠重，普普通通啦。砵仔糕紅豆份量較紅豆糕少。黃糖味道唔會過甜，可以食到糯米香，但係同紅豆糕相比，當然紅豆糕更勝一籌啦。唯一既咸食，菜甫茶粿出面本身包住塊蕉葉？無論係塊葉定係白色既表皮都好油！食落軟糯，菜甫蝦米份量好足，夾得幾好，但係略嫌表皮做得過軟。係做得唔錯既中式糕點，但如果下次再去，我可能淨係會買紅豆糕。