森記餐室飯館 (已結業)

首先要解釋一下，事源母親大人每次食叉燒都會語重心長叫我一定要去森記試下個黑毛豬叉燒，「一百蚊得4件咋，真係唔同一般果d！」呢句說話，佢講到我就嚟發夢都記得。今日本身去鋸扒，但售罄。唯有馬上轉場，朋友提議去金潮，我就不願想起森記，於是一行四人就踩落去。雞煲翅（$420）雖然只係翅頭翅尾，但係一上枱都幾震撼。侍應仲要好好氣氛叫我地影相四個人一人一碗滿滿嘅翅裙，仲要幾好味。傳說中「食完唔會再食其他乂燒」嘅西班牙黑毛豬乂燒（$85）坦白講，其實...佢只不過係一舊厚乂燒...蝦籽撈面（$88）都ok嘅，幾多蝦籽呢氣海杉班（$328）要讚一讚，因為抵食！我之星喺街市買條比佢細dd嘅星班都$280，煮出黎都係差唔多。其他普通料，無野值得寫。埋單$12xx ，都ok啦。不過試完一次就唔會再去。