咕嚕咕嚕 (已結業)

早幾日係網上見到呢間小食店既食評，話好食又抵食，咁諗住黎朝聖一下，點知失望而回呀三色薯條跟咸蛋黃醬($28)三色薯條指紫薯、黃蕃薯同薯仔整既薯條，每款薯條都有4、5條，同埋極度厚切，厚切到炸左都吾該成條好脆。食落外皮係脆既，但入面好似食緊煮熟既蕃薯同薯仔咁。最失望既係完全無咸蛋黃醬味，有一層好薄既醬係面，但食落真係無咸蛋黃味，係咪店員吾記得左落呢？黑松露忌廉單骨雞翼 8隻 ($32)單骨其實即係半隻雞翼。又係好失望，係煮得入味既，但忌廉味仲重過黑松露味，食落無咩特別，感覺自己都整到。可以讚既位係即叫即煮，所以送上黎係熱辣辣。總結：如果吾係網上食評寫到佢咁好食，我都無咁大期待，而家就極失望，但如果你無期待去，應該會覺得野食ok既。因為今次食既野都吾係特別難忘，應該都吾會再黎試。地理位置都幾方便，一出太子地鐵站一兩分鐘就到，門面裝修都ok，好搶眼。