阿木台灣麵 (廣華街) (已結業)

我同老公去咗旺角行街，大約1:45左右有啲肚餓，見到呢間排長龍心諗一定好嘢啦。因為一條街好似有成三四間台灣野，只係呢間要等位，其餘嘅都唔洗等而且舖入面仲要冇乜人！所以我堅持排隊，結果大約等咗35分鐘左右，就可以入坐！我哋點咗2份午餐！分別係紅燒牛肉麵同埋鹽酥雞便當！再加咗一份牛肚！等了又等嘅我倆，眼見隔離枱遲過我哋入座都已經食緊，點解我哋仲未有得食嘅？老公話食飯時間可能比較忙，等多一陣啦！所以我哋都靜靜坐喺度完全冇出過聲！但已經半個鐘了，所以我都唯有舉手問問，結果店員話可能電腦壞咗，所以冇咗張單！而家即刻同我哋再整！5、6分鐘後食物終於到啦，好開心😃滿滿期待！便當鹽酥雞冇乜味道，而牛肉麵湯底亦冇乜味！反而最好味就係個牛肚，好入味！可能本身都有期望，所以真心有少少失望😞