自助山

營業中

休息中

一直都想黎食buffet，點知有啲失望。其實食buffet總有嘢係好食，有嘢係難食，呢度熟食無一樣放入口係覺得難食，算好難得，但亦都無乜嘢覺得特別好食，好平均，亦好普通。剌身新鮮，燒味幾好，海鮮、點心、意粉正常，牛扒唔好食。甜品方面，cake好普通，開心果Macaroon似藥水味，曲奇同朱古力唔錯，最好食係焦糖海鹽脆脆蛋糕，叫做唯一驚喜。特別想講，咁既價錢，無Häagen-Dazs雪糕，唔緊要，都唔好俾啲咁差質素既雪糕人食丫（唔知乜雪糕黎），尤其咖啡味，嗰陣味畢身難忘，又苦又怪，人生第一次食咁劣既雪糕🤢我呢啲乜甜品都放得入口既人都嫌棄，唔想浪費，但真係食左2啖投降🤮。至於服務，同食物一樣咁一般，壽司bar嗰位西口西面眼超超，侍應無話唔禮貌，但想叫餐飲又話要收錢（其實有包餐飲一杯），問多幾問又話自己係幫工其實唔清楚，要問返著背心嗰啲侍應，其實唔知就唔好亂答。出面又無嘢飲攞，好似湯都唔覺有（唔知我睇唔到定點），等好耐先問到有餐飲，叫左好耐要追先飲到，杯咖啡落好多奶同糖都係好苦😖總括而言，咁既價錢黎講，好失望，無下次。