金華冰廳

營業中

休息中

難得去到太子，兼11點幾仍未食早餐，行過金華冰廳，便入嚟試試。它是傳統茶餐廳，門口賣麵包，裏面有地道茶記食品。本來想食早餐，但搭正11點半便截單，惟有叫它出名的菠蘿油及蛋撻。菠蘿油（$12）先上，樣子正宗。試吓味道，只是不過不失。原因是： 1. 麵包唔夠熱 2. 菠蘿皮唔夠香脆，兼有少少稔身雖然有大片牛油，牛油厚度亦ok ，但味道只可評為合格。蛋撻（$6）是酥皮，樣子唔錯。皮做得薄及鬆脆。蛋撻餡不過甜，可惜蛋味不夠濃，只是合格好少少。😋奶茶方面，夠熱及幼滑，只是茶味略淡。我喜歡的奶茶是錫蘭茶葉做底，茶味較濃的，所以也只能評為合格。對我而言，金華是ok 的茶記，但未能成為喜歡的食肆。