影片
更多
2021-04-04
802 瀏覽
行過荔枝角道成日都見到金鳳門口大排長龍，我估應該都好食掛，今日喺CGV睇完戲，佢果個商場都有金鳳，咁就決定去試下！等位嘅過程都算順利，雖然都有成十幾張枱，但係都係等咗大概20分鐘左右就有位啦！一入到去，佢舖位比較細所以啲枱都比較密！我被安排咗係個角落嘅二人枱，咁我一個人坐當然就冇乜問題嘅。金鳳最出名嘅就係鐵板餐加蒜蓉，咁我就order咗個鐵板牛柳黑椒汁加蒜蓉，雜菜湯，熱奶茶。唔夠2分鐘，個湯已經嚟咗，仲跟埋個餐包添！個湯入邊有好多料，一飲個湯，一股好強勁嘅蕃茄味，但只有蕃茄味，冇其他味！個包就睇得出係嘉頓嗰啲餐包仔，冇驚喜。飲完個湯，個鐵板牛柳就出現啦，佢會比定塊大嘅紙巾你去遮住彈出嚟嘅汁。一上個扒，佢會俾時間你去打開塊紙巾，佢就會落汁，渣渣聲好似好high咁！咁佢渣完之後，就開始食個扒啦！個扒好大塊，鋪滿晒成塊鐵板，切落去個下都好冧，我叫5成真係嚟5成熟！但食落口，完全冇牛味之如，仲要個黑椒汁冇味，成塊牛都係冇味，好在加咗蒜蓉，咁就仲有一陣蒜蓉味！我食咗一半就放棄咗！至於跟餐嘅薯條，由於佢放喺塊牛扒嘅底度，索埋啲黑椒汁，嘩！成件事肥到呢，咬落條薯條會成口油。配菜仲有我極度唔鍾意食嘅翠
等位嘅過程都算順利，雖然都有成十幾張枱，但係都係等咗大概20分鐘左右就有位啦！
一入到去，佢舖位比較細所以啲枱都比較密！我被安排咗係個角落嘅二人枱，咁我一個人坐當然就冇乜問題嘅。
金鳳最出名嘅就係鐵板餐加蒜蓉，咁我就order咗個鐵板牛柳黑椒汁加蒜蓉，雜菜湯，熱奶茶。
唔夠2分鐘，個湯已經嚟咗，仲跟埋個餐包添！個湯入邊有好多料，一飲個湯，一股好強勁嘅蕃茄味，但只有蕃茄味，冇其他味！個包就睇得出係嘉頓嗰啲餐包仔，冇驚喜。
飲完個湯，個鐵板牛柳就出現啦，佢會比定塊大嘅紙巾你去遮住彈出嚟嘅汁。一上個扒，佢會俾時間你去打開塊紙巾，佢就會落汁，渣渣聲好似好high咁！咁佢渣完之後，就開始食個扒啦！個扒好大塊，鋪滿晒成塊鐵板，切落去個下都好冧，我叫5成真係嚟5成熟！但食落口，完全冇牛味之如，仲要個黑椒汁冇味，成塊牛都係冇味，好在加咗蒜蓉，咁就仲有一陣蒜蓉味！我食咗一半就放棄咗！
至於跟餐嘅薯條，由於佢放喺塊牛扒嘅底度，索埋啲黑椒汁，嘩！成件事肥到呢，咬落條薯條會成口油。配菜仲有我極度唔鍾意食嘅翠玉瓜，所以我冇食到！
到個熱奶茶啦，咁其實都正常好飲嘅！
試過一次之後，應該都唔會再試囉！
雜菜湯
5 瀏覽
0 讚好
0 留言
餐包
8 瀏覽
0 讚好
0 留言
鐵板牛柳黑椒汁加蒜蓉
26 瀏覽
0 讚好
0 留言
張貼
