Sodam Chicken (已結業)

同大少過開海睇醫生，睇完諗住搵啲好嘢食下咁啦！男人早幾日已經話好想食炸雞，咁當然就睇下附近有咩炸雞好食啦～睇下IG，發現呢間 Sodam Chicken好似由韓國開過嚟香港，見到佢有個好多芝士嘅炸雞好似幾正，就過去試下佢先！行到熱辣辣，一坐底梗係諗下飲咩先啦，發現佢哋有個Promotion，惠顧烤雞同炸雞都會送兩杯＄38嘅飲品，其他貴啲就報返差額就得喇！我就揀咗＄38嘅柚子梳打，大少就揀咗相入面嘅$58嘅蘋果特飲；我杯柚子梳打不過不失，但杯蘋果特飲就有少少藥水味，只係一杯用蘋果syrup加水嘅飲品喇～最近，劉時鎮大尉令一眾韓迷瘋狂，呢間Sodam Chicken就出咗個太陽芝士炸雞，七星伴月咁用七件炸雞圍住一個滿滿芝士同醬汁嘅農夫包。我哋都好常食炸雞，但呢度就比較細portion，因為好多間炸雞店都會serve一整隻雞或十件以上。坦白講，呢個炸雞味道一般，芝士醬汁不夠濃稠，我真係非常失望，可能想像得太好味啦～我估我哋應該唔會再返轉頭喇，但一試佢gimmick都係妨吖～