影片
更多
2015-05-04
3489 瀏覽
今次真係老貓燒鬚啦！大少話想試下大圍一間老店【楓林小館】，話佢開左幾廿年，仲有米芝蓮評級添，好啦...咁就陪佢試下囉。去到門口真係幾鬼老店feel，古色古香咁款添，我地3人被安排坐入偏廳，都好...冇咁嘈。一坐低店員快速擺位，沖茶，問佢有咩好介紹，佢眼尾都唔望下我地好似背書咁，「椒鹽蝦」，「乳鴿」咪招牌囉，出名多人食架。好，我就信你，叫左碟椒鹽蝦，OMG...真係好大碟到呢，D蝦點解咁細隻既，仲要好淺色，目測就知道佢唔會好食，一擺入口...大鑊，蝦肉唔鮮，毫不鮮甜，口感林patpat，食一隻都好俾面，呢d唔會係海蝦，應該係唔新鮮既養蝦囉，點解會好出名多人食???另外叫左3隻乳鴿，似返d樣啦，皮脆肉嫩，仲好juicy同入味添，不過絕對唔會係神級好食到我會專登返黎食囉。仲有花膠瑶柱羹，搵笨到呢...完全搵唔到花膠既踪影，瑶柱就搵到囉，除左唔開心搵唔到花膠之外，個羹既味道都ok既，但最好改返瑶柱羹就算啦。食到呢到已經唔敢再order，大少話要尋找小時候既味道，叫左蝦子柚皮，老老實實，我真係估到唔會好食，真係俾我up中，難食到呢...完全冇蝦子味，冇咸香，個柚皮苦到呢。呢一餐真係食到媽媽聲，4
去到門口真係幾鬼老店feel，古色古香咁款添，我地3人被安排坐入偏廳，都好...冇咁嘈。一坐低店員快速擺位，沖茶，問佢有咩好介紹，佢眼尾都唔望下我地好似背書咁，「椒鹽蝦」，「乳鴿」咪招牌囉，出名多人食架。
好，我就信你，叫左碟椒鹽蝦，OMG...真係好大碟到呢，D蝦點解咁細隻既，仲要好淺色，目測就知道佢唔會好食，一擺入口...大鑊，蝦肉唔鮮，毫不鮮甜，口感林patpat，食一隻都好俾面，呢d唔會係海蝦，應該係唔新鮮既養蝦囉，點解會好出名多人食???
另外叫左3隻乳鴿，似返d樣啦，皮脆肉嫩，仲好juicy同入味添，不過絕對唔會係神級好食到我會專登返黎食囉。
仲有花膠瑶柱羹，搵笨到呢...完全搵唔到花膠既踪影，瑶柱就搵到囉，除左唔開心搵唔到花膠之外，個羹既味道都ok既，但最好改返瑶柱羹就算啦。
食到呢到已經唔敢再order，大少話要尋找小時候既味道，叫左蝦子柚皮，老老實實，我真係估到唔會好食，真係俾我up中，難食到呢...完全冇蝦子味，冇咸香，個柚皮苦到呢。呢一餐真係食到媽媽聲，4樣餸埋單900幾蚊，咁既價錢咁既質素，真正唔抵食，唔會有下次囉 (怒)
張貼
