影片
更多
2024-08-23
138 瀏覽
*睇到最後！* 夜晚諗住同朋友聚一聚食個飯，睇到某foodie介紹好似幾吸引咁，就book枱試下啦。 點知我啱啱先上到2樓，門口未入，openrice就通知我「已確認出席」，我都呆一呆，但照行入餐廳。 一行到入餐廳，我出示openrice booking告知訂座，兩位店員就呆一呆，隔咗一陣先帶我入座，可能係唔expect 8點半有客吧🤔但我又的確係喺openrice訂到枱。 嚟之前都確認過9點 last order，我朋友有事要遲少少到，本身想等埋一齊嗌，殊不知我一入座，店員已經提醒差唔多到last order，要儘早落單，我都表示理解明白，即刻睇menu。 嗌咗兩個套餐，因為有最低消費一人一杯飲品，所以都嗌咗飲品。 係水牛芝士正常應有水平，不過不失。我同朋友都唔太理解三塊麵包嘅存在，係脆嘅，我沾麵汁食還可以，但同行朋友就覺得有陣油膉味。 至於意粉嘅明太子味就老實講，唔係太突出，我同同行朋友都唔係太食得出個味，唔至於難食，但同好食就掛唔上邊。十分失望！個封門柳完全唔係想像中/睇foodie嘅咁靚同好食！都係未至於難食但完全唔係好食🥲同行朋友第一啖已經覺得鹹，但配埋飯就還好。 個炊飯食落
夜晚諗住同朋友聚一聚食個飯，睇到某foodie介紹好似幾吸引咁，就book枱試下啦。
點知我啱啱先上到2樓，門口未入，openrice就通知我「已確認出席」，我都呆一呆，但照行入餐廳。
一行到入餐廳，我出示openrice booking告知訂座，兩位店員就呆一呆，隔咗一陣先帶我入座，可能係唔expect 8點半有客吧🤔但我又的確係喺openrice訂到枱。
嚟之前都確認過9點 last order，我朋友有事要遲少少到，本身想等埋一齊嗌，殊不知我一入座，店員已經提醒差唔多到last order，要儘早落單，我都表示理解明白，即刻睇menu。
嗌咗兩個套餐，因為有最低消費一人一杯飲品，所以都嗌咗飲品。
流心水牛芝士（套餐前菜）+$78
30 瀏覽
0 讚好
0 留言
係水牛芝士正常應有水平，不過不失。
明太子忌廉意大利麵（套餐主食）+$138
34 瀏覽
0 讚好
0 留言
我同朋友都唔太理解三塊麵包嘅存在，係脆嘅，我沾麵汁食還可以，但同行朋友就覺得有陣油膉味。
至於意粉嘅明太子味就老實講，唔係太突出，我同同行朋友都唔係太食得出個味，唔至於難食，但同好食就掛唔上邊。
鰹魚熟成封門柳，香煎鵝肝，糖心蛋配黑松露炊飯（套餐主食） +$238
39 瀏覽
0 讚好
0 留言
十分失望！個封門柳完全唔係想像中/睇foodie嘅咁靚同好食！都係未至於難食但完全唔係好食🥲同行朋友第一啖已經覺得鹹，但配埋飯就還好。
個炊飯食落唔似炊飯，似係炒飯同炊飯中間嘅混合體咁，都係未至於難食，但絕對稱唔上好食。
（小插曲：其實幾好笑，落單嘅時候我見第一項係封門柳，第二項就係我嗌嘅呢個。咁我就唔肯定兩個嘅肉量係唔係一樣，我就問店員呢兩個份量有冇分別，店員答我：兩個唔同㗎！一個有鵝肝一個冇，我呆咗，店員繼續：喔！同埋一個有個飯一個冇，我：…好，心諗…你當我盲…？最後都問到份量係一樣嘅）
法式多士 配雲呢拿Gelato （套餐甜品）+$68
21 瀏覽
0 讚好
0 留言
都係好失望！都係嗰句難食稱唔上，但好食就冇佢份了。我同同行朋友都唔係太形容得出呢個味道，但的確係失望嘅。
唔知關唔關事，但當時我係order叫上，但封門柳啱啱上枱冇耐（21:01）我諗隔幾分鐘？店員就埋嚟通知廚房要收，所以要上埋個甜品先（21:11上），但餐廳係22:00閂舖，但當時我哋都唯有表示理解，唔肯定係唔係擺多咗一陣令風味欠佳喇。
開心果奶昔（套餐飲品）+$48
21 瀏覽
1 讚好
0 留言
好飲！頗香頗濃開心果味。
黑芝麻奶昔（單點）$68
44 瀏覽
0 讚好
0 留言
好飲！頗香頗濃黑芝麻味，同朋友都感到驚喜。但價錢值唔值得就大家自己判斷了，不過餐廳低消一人一杯飲品。
西村宇治抹茶鮮奶（套餐飲品）+$28
23 瀏覽
0 讚好
0 留言
我冇飲到，但朋友覺得都幾好飲，我喺杯尾試咗少少，雖然有溶冰，但飲得出應該係幾濃抹茶味。
最後，啱啱提到餐廳22:00閂舖啦，但店員喺21:36就已經催促我哋離開…令成個體驗感覺更差。我仲見到有位店員喺其他客人嘅隔離枱感覺係刻意地大聲收拾餐具（嗰枱客人仲食緊野）…其實都幾冇禮貌。
整體而言，我就覺得唔值得比呢個價錢再去食多一次😞食物質素大差預期，店員服務態度亦唔係太好，食到好趕頭趕命咁。如果想早啲收舖，不如唔好比人book到8點半…希望可以比到個實際參考比想去嘅人之餘，亦可以比返意見餐廳🙏🏻
張貼
