雲長小龍坎老火鍋 (已結業)

我哋一行三人， 三個女仔 都鍾意食辣嘢， 揀咗好耐終於揀咗呢間麻辣火鍋， 聽聞好出名，又多 like， 又係明星開 ，即管去試下。一坐低，枱面上每位有一罐嘢，有人過嚟介紹，話係香油，溝落啲醬料度用，食落香口。滿心歡喜，點知一食落，我覺得好「益」，滿口油益味，我真係唔明個賣點係咩，益到不能接受個隻。湯底我覺得係唔錯嘅， 但火鍋配料略為普通， 有一碟 好似巴蜀風牛肉（確實名字忘記了，又唔記得影相，係有好多辣椒籽痴係上面個隻），un到食唔到，我哋每人試左一舊就冇食過了。。。 另外，講下服務， 啲姐姐好勤力， 我哋當時好肚餓 ，將火力略為調高，但佢哋不斷幫我哋教返細，佢哋話要細到有少少微微滾禁先岩，但我哋教大少少有咩問題呢。。。。我哋教大佢哋教返細，呢個過程來來回回最少20次以上。。。。佢哋真係太好耐性。總括黎講，我唔會再幫襯，真心唔明啲like邊度嚟