加太賀

營業中

休息中

【名過於實！普普通通日本料理】加太賀呢個名字相信大部份香港人都由細聽到大，一直以花之戀馳名中外，今日同屋企人嚟到試下佢其他日式料理，感覺名過於實！「小日本」嘅街道的確好有氣氛同感染力，好似去咗旅行咁。環境都舒服、闊敞，但食物有待改善！ 🐟 雜錦魚生船魚生款式的確多籬籬：三文魚、油甘魚、魷魚、八爪魚、海螺、三文魚籽、蟹籽、帆立貝，都算應有盡有。各款都唔算好突出，好鮮味，反而好似雪到冇晒魚鮮味，亦冇魚油香，有少少失望。🥗 鹿兒島黑豚松露蟹籽沙律蟹籽份量多，觀感的確唔錯。用上沙律醬其實有少少膩，可能換成黑醋更好；沙律份量1-2人份左右，略嫌少少偏貴，但可接受。