度小月 (時代廣場) (已搬遷) 新店位置

度小月係好耐之前有人介紹過，但係一路都唔知香港邊度有嘅餐廳。估唔到銅鑼灣竟然開左一間。喺香港揾一間好食嘅台灣野唔易，所以本來對佢有啲期望。同C 今次試左肉燥飯，擔仔面，蚵仔湯, 香蔥炸大腸，花生豬腳。先講個擔仔面，真係好細碗! 佢個味又無乜特別，同一碗普通嘅面無分別。個肉燥飯還可以，不過無係台灣食嗰種味道。 (C 話我唔應該攞台灣黎比，因為一定無得比) 蚵仔湯好淡，可以唔試。出奇嘅係佢最後呢兩個小食係我哋叫嘅野入面最好食嘅。(我諗你去台灣都唔會諗起炸大腸同花生豬腳) 個大腸炸得好香脆，個豬腳亦好入味，而最好食係個花生，係滷水花生!可能因為得兩個人所以試唔到啲小菜，不過我哋叫嘅野黎計，性價比真係偏低。