Elephant Grounds (永豐大廈)

營業中

休息中

Elephant grounds開業嗰幾排小編聽好多人講話好好食，不過一直都未有機會試。過左好耐終於搵倒日去一探究竟，不過似乎同啲人講嘅有啲出入(雖然之後都有聽朋友講話退步左)。小編同朋友叫左個avocado toast同三文魚丼，仲share左杯latte。講左杯latte先，有啲失望，呢度始終都算係賣咖啡嘅地方，泡打得多左，似飲緊cappuccino，味道都唔夠濃。個toast嘅賣相好特別同新奇😂 啲牛油果都幾新鮮，份量唔少，食埋個蛋同菜都夠哂飽。個丼有啲失望，三文魚份量唔多，蔬菜類就比得好多，但佢收得唔平，所以覺得唔係好抵食。味道亦都唔特，冇咩汁，有啲乾。坐低傾計就幾舒服嘅，但如果為左食野就可以唔洗特別考慮呢間，除非都想試下係點。