薄荷葉泰國菜

營業中

休息中

終於試咗呢間長期處於元朗頭幾位受歡迎嘅泰國餐廳，薄荷葉喺元朗體育館對面，係間提供泰國菜嘅半開放式酒吧，天花掛滿五顏六色嘅民族吊燈，有室外同室內座位，我哋七點半食完離開已經全場滿座。一坐低就會擺低一碟要收費嘅青瓜😂 自家制炸蝦餅($78)金黃香脆，彈牙軟殼蟹咖哩（$178）軟殼蟹份量唔少，但浸到淋哂，咖哩味亦唔夠香，比較淡，麻麻哋薄餅($55)有四塊，牛油味好香，鬆脆馬拉盞炒通菜($78)幾惹味，咸咗少少椰青($50)餐廳有好多特色啤酒，氣氛好適合一大班朋友飲下野，食物中規中矩，可以一試但唔洗抱太大期望，元朗泰國菜有好多其他選擇。😌