九記牛腩

營業中

休息中

今日醒起聽左好耐既九記牛腩，Lunch 行過去試下。以前聽講要排好耐隊，1點2 去到門口，基本上我一個人食可以直入。咁我就叫牛腩伊麵啦，最出名。個靚仔就問我加唔加油菜，咁一場黎到咪加囉，再問我飲唔飲野，咁天口咁氣，叫埋啦，心諗頂盡咪廿蚊杯。佢寫完單先知，埋單到成118, 咁呢d 係我自己冇問清楚，冇得怪人，只係寫出黎想大家留意下。凍檸茶都要廿八蚊杯 anyway 杯野飲係好似既，油菜都係果d, 冇特別。講下個牛腩伊麵，試下個湯，淡D, 伊麵都係普通伊麵，冇咩特別。但個牛腩唔係出面講咁誇張囉，係好普通粉麵鋪都有呢個質素，唔係話好差，但唔係好正咁囉，有部分腩碎肉添。仲記得以前個老世訪問果時話自己d 牛腩點好點好，唔係囉。