後宮 (已結業)

打邊爐最緊要用料新鮮同埋足料。家人中意養顏既湯,叫左個花膠雞湯底,全隻雞加好多花膠,真係好抵食。 呢個湯都有滋陰養顏，養血補腎既功效。 湯一滾時飲左少少,好溫潤。煮耐左再飲,濃濃既雞湯有啖啖膠質,好濃既味道,正!雞食得出好嫩,一d都唔「鞋」。叫左2隻大大隻既南非鮑魚,非常彈牙,仲洗得好乾淨添!呢度連陳皮魚蛋都有,真係應有盡有。烏冬係我中意既texture,吸晒花膠湯,好好食。叫左2個鮮椰青,大大個,好多汁。