後宮

營業中

休息中

米飯班主真係好鍾意打邊爐🥘，所以佢又話要去打邊爐🫠今次行經尖沙咀，見未食過呢間「後宮」，二話不說就入左去啦！呢間火鍋店的裝潢係典型地道style，坐得都幾舒服同闊落👍另外設有獨立VIP房，仲有得唱K添🎤而呢間火鍋店只做晚市及通宵營業🌓啱晒夜鬼子😂秘製沙嗲鍋 $98秘製惹味沙嗲湯配搭香濃花生味，湯頭濃郁美味，仲附有豬皮係鍋裡面🤩潮汕雪花牛 $188鮮紅柔嫩的牛肉中分佈著均勻的油花，牛肉味濃，口感嫰滑。珊瑚蚌 $128珊瑚蚌外呈表橙紅色，肉質爽脆彈牙🤤很喜歡吃‼️炸午餐肉 $48即叫即做！上桌時還是熱辣辣的，炸到外脆內軟，可以即食或者放到鍋裡打邊爐咁食。雙拼餃 $78鮮蝦雲吞 拼 魚皮餃鮮蝦雲吞有3粒，魚皮餃有4粒🥟雲吞好飽滿，雲吞皮透薄，蝦肉質地緊實彈牙，味道鮮美；魚皮餃正常。三秒酥炸腐皮 $68炸到金黃酥脆的炸腐皮，打邊爐放入鍋內3秒滾起就食得，少少脆又吸左啲湯汁😍粟米 $58粟米色澤黃澄澄，味道鮮甜🌽支裝可樂 $18打邊爐就要飲番冰凍的可憐解解膩🥤茶介及醬料 $20/人

今日同朋友去咗尖沙咀赫德道呢一邊飲嘢，happyhour完之後想搵間餐廳食飯，見到呢一間餐廳嘅評語都幾好，所以就決定去試吓，我哋大概係夜晚10:00，餐廳都比想像中多人，可能係假期前夕嘅關係，去到只係得返三至四張枱，店員亦都非常客氣，咁為我哋介紹佢哋嘅餐牌，餐廳由於人數眾多非常熱鬧，見到有好多唔同嘅客人喺度慶祝生日，場面非常熱鬧😬😬💥沙嗲湯底，味道非常濃郁，而且佢嘅湯底唔止剩係得沙嗲湯，仲有非常入味嘅豬皮，豬皮嘅味道充滿沙嗲湯底，超級好味，鍾意食沙嗲湯底嘅朋友絕對唔可以錯過呢一個湯底，之後我哋用嚟食烏冬同埋公仔麵嘅味道都非常好，而且佢嘅湯底唔會好辣，適合唔食得辣嘅朋友💥自家製鮮蝦雲吞，每一粒都非常大隻，每分有六粒，而且啖啖肉真係非常好食，豬肉同埋鮮蝦嘅比例恰到好處，而且鮮蝦非常爽口彈牙，入口啖啖肉，餐廳係雲吞嘅調味方便都做得非常好，我哋都非常鍾意食雲吞，呢個絕對係合格有餘！💥炸魚皮，冇諗過呢一個價錢嚟講，有咁大份熱辣辣嘅魚皮，有時出去餐廳食嘅魚皮係首先一早已經做好，但係呢一間餐廳令我非常有驚喜嘅係佢嘅魚皮，嚟到嗰陣係熱辣辣，魚皮加埋沙嗲湯，簡直就係夾！鍾意食魚皮都可以叫呢一個！💥花臉啤

今日就嚟咗赫德道這間喺地庫的後宮打邊爐黎這間餐廳，因為朋友話有好多唔同部位的牛選擇所以就嚟試下掃qr code落單， 先揀湯底湯底選擇有好多，不過我哋今次又揀咗蕃茄薯仔湯底蕃茄薯仔湯超級濃鬱, 唔係普通雞湯加蕃茄薯仔，係滿滿濃濃嘅蕃茄味,喺放邊爐料之前,我哋忍唔住畢咗一碗嚟飲,覺得好夠味👍牛肉類可以揀特別的部分，我哋今次揀咗五花趾牛肉味濃鬱而且咬落有口感另外我最想食的牛骨髓份量都幾多， 覺得香味好濃鬱韮菜餃， 新鮮多韮菜，這一個包法好掛湯烏冬係日本手打烏冬仲有兩大個叫咗一份雙拼丸，豬肉丸同墨魚丸現打夠彈牙，新鮮蔬菜要多份蘿蔔，冇根夠甜， 同蕃茄薯仔湯底好夾小食叫了一個好特別嘅金沙炸魚皮， 鹹蛋黃份量超級多，每塊都完全沾滿，而且即叫即整，所以魚皮炒完暖笠笠脆卜卜整體覺得湯底靚食物質素高 我今次揀嘅食物覺得同蕃茄薯仔湯都好配搭去到最尾蕃茄同薯仔夠曬淋，覺得可以當半主食咁樣食都得，超好食， 可惜最尾已經太飽，唔食得咁多， 下次再嚟會留肚食埋啲蕃茄薯仔

此店位於尖沙咀赫德街4號地庫，招牌不算太突出，真的找了一陣子才發現位置，而且需要落樓梯到地庫，充滿神秘感，店內空間不算很大，但最吸引又最特別的，是右邊自成一角的小廳，設有兩張長檯兼對正一部可以唱卡拉OK的大電視，一班朋友開開心心唱住歌食火鍋確係幾正！太怕醜唔想公開唱K，這裡都有兩間VIP房間可預訂。海南椰子文昌雞鍋(半隻) $168食火鍋最重要是湯底，今次清清地揀了個海南椰子文昌雞鍋，店員先將雞件放入湯中，再即席倒入原隻新鮮椰青水，亦刮了不少椰青肉放進鍋內，等待湯滾起後一打開蓋，非常濃郁的椰香氣，建議先飲啖湯，味道清甜到不得了，至於鷄件肉質嫩滑中略帶少少嚼口。潮汕雪花牛 $188牛肉種類選擇不算太多，但都幾高質抵食，擺盤幾靚。鮮紅柔嫩的牛肉中，佈滿雪白的油花，紋路好靚，滾幾秒即熟，入口即化，口感肥嫩幼滑。特級封門柳 $168封門柳的油花雖然較少，但肉味濃郁，肉質偏軟腍，鍾意食牛的人一定唔可以錯過。脆鯇腩件 $98自己幾鍾意食魚，所以打邊爐我都一定會點魚肉來滾一滾。這份脆肉鯇非常新鮮，魚肉不易煮爛，肉質結實，入口真的有種清爽脆口的感覺。金沙響鈴 $88響鈴食得多，但鋪滿咸蛋醬的倒是第一次

🍴秘製蘿蔔牛雜窩 238 蚊好足料既牛雜窩 牛雜勁多 有牛肚 肺 豬 胃 金錢肚等等 全部勁入味🐂 加 d大葱芹菜調味食完再打邊爐正🍴牛胸爽98 蚊🐂爽口彈牙既牛胸爽 淥幾秒就食得 🍴韭菜餃68 蚊🥟九菜餃大大隻 皮厚度夠 韭菜好新鮮 🍴五花趾138 蚊🐂彈牙既五花趾 口感爽同牛味濃🍴湖南臭豆腐 68 蚊🌶️臭豆腐個臭香味似大陸嗰 d .帶 d咸辣香 個豆腐入味好軟熟 配菜正 有辣椒 炸菜 好夠酸辣開胃🍴稻庭烏冬 28蚊🍜爽口彈牙既烏冬 🍴東和麵 16 蚊仲有好似公仔麵好有口感既東和麵 配埋牛雜鍋好入味#打邊爐 #酒吧 #牛肉 #牛胸爽 #臭豆腐 #韭菜餃Score 平均分< 8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#後宮尖沙咀赫德道4 號 the hart地庫~~~~~~~~~~~~

呢排真係熱情於打邊爐，今日又再出咗尖沙咀試第二間邊爐啦一入到去見到個環境都幾舒服，座位都算寬敞望望個餐牌見到湯底都有好多選擇，都有成十幾種揀醬料都係基本有蔥、辣椒、芫荽等等事不宜遲就真係嗱嗱臨嗌嘢食啦我哋嗌咗個椰子雞鍋，一上嚟都比雞嘅份量嚇親，真係成隻雞，好正，仲有個椰青倒啲椰青水落去封門牛肉就咁望到已經好吸引，油花分布得好好，食落口好嫩滑，而且好重牛味，冇比個湯底嘅味道蓋住蝦丸望落去粒粒好飽滿，兩個人食嘅話，份量都10分足夠蝦餃食到中間睇到有好多蝦肉啦，食落去好彈牙，同時都食到蝦嘅味道另外嗌咗個豬梅肉片，爽口彈牙湯底咁濃郁，我哋梗係要嗌索湯嘅嘢嚟食吓啦於是我哋就嗌左響鈴果然10分好味，響鈴炸得好脆，唔同平時出面打邊爐嗰啲響鈴，佢朔晒啲湯之後都唔會好快淋生仲係脆卜卜所以好正！嘢飲方便我哋冇叫到，因為椰子雞湯個湯頭真係好清香，仲要越滾越甜，雖然最後會比較油啲，但係好香 食完嘢都唔覺得頸渴總括嚟講呢度都幾好坐，嘢食都唔錯，兩個人嚟食飯傾偈都幾好👍🏻

好多人打邊爐多數會去放題形式既餐廳，但其實散叫形式既火鍋一般食物質素都較好，而且呢間仲要有得唱K既火鍋，真係十分少見餐廳位於尖沙咀鬧市既地牢位置，係酒吧林立既赫德道中。入到去已經見到兩間包房既坐滿人，係房可以一邊食火鍋，一邊同朋友唱K，好正野食方面我地叫左個沙嗲湯底，呢個湯底不得了，十分濃旭既沙嗲味。另外餐廳都提供多種既牛肉，我地點左本地牛頸脊、珊瑚蚌、疏菜，最後必點既公仔麵配濃濃既沙嗲湯底，好滿足。餐廳食物質素幾好，職員都有人情味，可以一試

今日去左一間係尖沙咀既火鍋店,  呢間鋪頭比較特別, 裝修同風格都似酒吧, 開到好夜, 而且坐得舒服, 仲見到有VIP房可以一路打邊爐一路唱K我地首先叫左胡椒豬肚雞火鍋, 黎到真係嚇親, 竟然有成隻雞比你自己落, 首先當然就飲下個湯先啦, 好甜, 胡椒味都幾出, 我就飲左幾碗, 豬肚切得又大又厚, 肉質鮮嫩有嚼勁, 仲有份量好多, 食到最後都仲未食曬, 另外雞都好鮮, 黎到比我地自己落, 唔怕佢煮到老曬, 碌到嫩滑既的雞肉岩岩好, 而且成隻雞既份量真係好多, 好抵食火鍋料我地叫左土魷, 口感好爽脆, 食落好新鮮冇腥味, 然後就係五花趾, 即係牛展, 但係我就好鐘意食, 因為通常五花趾都好有牛味, 呢到既五花趾都冇令我失望, 食落好有牛味, 而且唔會好韌, 都算高質最後我地叫埋鮮蝦雲吞, 雲吞入面有成隻蝦仁, 鮮嫩多汁, 個皮都薄, 每粒雲吞都好飽滿, 食落好有滿足感作為一間火鍋店形式既酒吧, 呢到既食物質素都好好, 而且週未仲有波睇, 可以一路睇波一路打邊爐, 絕對係一個好好既選擇

今日黎到尖沙咀打邊爐，呢間野喺K11 Artmall附近，好容易搵。呢間火鍋店有得唱K，可以十幾個朋友包廂🎤🎵我地叫左海南椰子文昌雞、養顏美人鍋，原來養顏美人即係烏雞，我地有一半文昌雞、一半烏雞。雞湯好足料，好清好好飲😋，未食野飲湯先飽～我地叫左牛頸脊、牛柏葉、珊瑚蚌、鴨血、鮮蝦餃、鮮豆腐、稻庭烏冬。牛肉質素幾靚，餃子我見係佢地自己包嘅👍🏻 我覺得珊瑚蚌最好食，係呢餐嘅MVP😋 烏冬都好滑，好彈牙呢度會比小麥茶你飲，幾解渴同清熱氣🌿我地6點幾黎到，係第一枱客，但7點幾開始好多客陸續入黎，好旺好好生意👍🏻我地兩個大埋單大概一千蚊，有$20/一個人嘅茶芥～ 但食物質素都幾好嘅👍🏻

本身勁鐘意唱K又鐘意周圍食野，同frd子黎呢度可以一次過又食又玩，有兩個唱K空間: 1)VIP獨立房 - 空間大約容納到30人+2)開放式 - 其他食客可以聽埋你唱歌，Book位時可以講定要唱K位 因為都幾搶手 🌴海南椰子文昌雞鍋 $288開蓋 椰香味已經湧出黎，湯底好清澈 有唔少椰子肉煲緊，之後店員哥哥再加原個椰青水落去一齊煲 (比小匙我地刮椰肉食😜)，非常清甜既湯底每一件燙熟既雞件 都會有淡淡椰香滲出 而且肉質嫩滑，驚喜位: 除左雞頭 真成隻雞上枱🐮美國Prime牛小排 $288牛牛油花分佈均勻 入口肥嫩柔軟 配個清甜湯底更突顯原來的濃郁牛味 🔸響鈴 $78第一次有響鈴上枱時係聞到香味而唔係普遍既油味，唔覺意摸到 仲係暖暖的😍唔知係唔係新鮮做呢?🦑水魷 $68爽滑水魷 打邊爐真係無得頂...重點是份量好足🐟潮汕魚皮餃 $78frd子至愛...有8粒 做到餃皮煙靭又有魚香，魚皮餃專業戶表示滿意🥤Coca Cola $18玻璃樽版可樂是皇道 總覺得玻璃樽係多D氣 (同埋第2朝要返工 唔敢飲啤酒)*個湯底到最後都仲係清 無乜油又唔膩，成煲湯比我地飲晒*收+1服務費*營業時間: 1800~

原來地牢裏面有打邊爐，落到去見到佢有幾間房，如果一大班人就可以喺房度打邊爐，裏面仲有得唱K添。真係唔知道呢個位有一間打邊爐，仲要有我最愛椰子雞湯湯底，見到隻雞一上枱係原隻大大碟十分抵食。啲湯滾咗之後我哋就落埋啲雞，師傅叫我哋飲咗湯先再等個雞熟，一飲個湯已經好有椰子味好清甜，之後再試埋啲雞肉好滑溜，佢係文昌雞。後尾個湯滾得耐啲嘅時候，啲雞味又濃椰子味又香。桂花蚌好爽口好彈牙都係好新鮮我哋仲嗌咗本地牛頸脊，好重牛味，望落色澤已經好靚，一啲都唔騷。搭埋個稻庭烏冬加個椰子雞湯真係一流。我哋兩個人叫唔到太多嘢食！一大班人黎book房是很好的選擇😍😍😍

今晚book咗後宮打邊爐，朋友話係高質肉，出開尖沙咀就試下佢。有多種湯底揀，我哋揀咗秘製沙爹窩同松花皮旦芫荽窩，呢兩款雙拼$98，沙爹窩好香濃，完全唔會膩，仲有好多豬皮，索晒啲沙嗲汁超惹味！皮旦芫荽窩好清香，放食材落去真係吸到芫荽味🤣兩個湯底都推薦肉類就揀咗一牛一豬騸牯牛（牛頸脊）好嫩，油脂分布平均，重牛味，呢個價錢呢種質素同份量係好ok！美國特級梅花豬一樣都係好嫩，唔係出邊啲嚡熠熠嘅瘦肉片。兩種肉類都推薦！極推薦冰火芥茉火魷魚個自家醬好好味，有啲似沙嗲加芥末，呢個小菜係凍食嘅，好開胃。推薦！另外叫咗西洋菜苗、潮汕魚皮餃、金妹牌芝士腸。魚皮餃有驚喜！皮薄餡滿。最後落埋個出前一丁去沙嗲湯索晒啲汁汁，唔會好膩， 夠晒飽！仲有得唱k都幾啱一班朋友嚟

行尖沙咀嘅好處就係好多好嘢食，好多餐廳都試過，終於見到一間個名幾搞笑嘅餐廳，仲要係打邊爐！落到去已經聽到有人喺度唱歌，好少喺香港見到有得邊打邊爐邊唱K既😂 最好好嘅係佢鴛鴦鍋唔洗額外加錢，即刻試佢嘅麻辣同埋蕃茄鍋 ！佢嘅麻辣鍋唔係剩係得麻同油，真係越食越辣😂朋友試咗一啖就放棄，佢話實在太難頂唔順～ 我揀咗個雙拼牛，因為貪心想試晒，但係又食唔到太多。佢嘅牛切非常之薄，好食！因為仲要推薦大家叫脆鯇片，完全冇骨又爽脆仲有手打墨丸，超香墨魚味，完全係身材實料，冇溝粉漿；鴨血都好好食，特別係擺落麻辣湯底😍同埋好少喺火鍋店有得飲椰青食皇帝菜，佢嘅菜式真係比較多樣同埋新穎～我見佢仲有啲大排檔小炒，可惜食唔到太多嘢唔係好想試吓🥲🥲

一直也很喜歡打邊爐，尤其平時放工唔想煮就會去尖沙咀搵好西食，獎勵自己辛苦返了成日工😆今次朋友就介紹一齊嚟赫德道呢間後宮火鍋餐廳一齊食晚飯餐廳位於The Hart地庫，只要去到赫德道見到Hotel Hart左手邊就係呢間餐廳嘅入口，一見到樓梯落去一層就到了一入到去餐廳都覺得幾闊落用上雲石枱，再加上呢幅有好多足球隊logo嘅牆，係睇波嘅時候嚟呢度打邊爐加飲酒都幾有氣氛👍湯底點了蕃茄魚湯薯仔鍋$98整個鍋很足了很多蕃茄薯仔全都是我的最愛😋酸酸甜甜又很啱我們的口味也有不同的蔥、蒜、辣椒油等等可以自由配搭，再加豉油去作調味點了一會兒便開始上菜，海鮮選了海蝦$148每一隻都好大隻同埋新鮮👍因為比較大隻，所以煮多幾分鐘先食得，肉質鮮甜，蝦膏都好香濃🫶🏻金沙炸魚皮$78表面充滿勁足料的鹹蛋黃，炸得好香脆好濃味而且每一件炸魚皮也很大，只要輕輕落鍋就可以食得打邊爐當然唔少得牛肉😎今次點了本地牛頸脊$208牛肉味香濃，油脂分布剛剛好加上這個湯底味道很適合🥳一直很喜歡吃蟹棒，見到日本山崎蟹棒$58立刻點了😋 10條份量也幾多很滿意整體喜歡食的也點了🥰最後同朋友兩個人食到很飽，很滿足！這火鍋餐廳也很適合一班朋友

同朋友喺尖沙咀行完街想打邊爐就揾吓有咩餐廳好，見到依間後宮嘅評價都唔錯就試吓！我哋嗌咗個海南椰子文昌雞鍋，本身以為喺尖沙咀依啲舖租比較貴嘅地方食物份量都唔會多，點知上到黎碟文昌雞非常足料啖啖肉，湯底都非常鮮甜，清爽嘅鍋底令到打邊爐都冇咁大罪惡感😆配料我哋就嗌咗牛頸脊，雪花分佈平均，牛味都幾濃郁！桂花蚌同蝦丸都非常新鮮，因為湯底清甜仲突顯咗佢哋嘅鮮味，點少少豉油就已經好好食！另外仲點咗兩杯鮮榨果汁，職員話完全冇加糖，但兩杯飲落都好夠甜，邊食住啲熱辣辣嘅嘢再飲杯冰凍嘅果汁真係好爽！🥳食飯途中見到隔離枱有叫一啲海鮮刺身個樣都好新鮮，但今次得我同朋友兩個食都已經實在太飽，唯有下次再試！而且餐廳入面仲有獨立房間可以一邊唱K一邊打邊爐，下次要約多啲朋友試多啲唔同嘅餸菜！不得不提入面啲職員都好NICE，又會時刻關心住使唔使加湯，問吓啲嘢食O唔OK，成餐飯嘅感覺都好好呀☺️