Isaac Toast (新城市廣場三期) (已結業)

🥪Issac Toast🥪話說，乳豬係好鐘意食一啲用面包夾住既食物，例如熱狗、漢堡包、Tacos同三文治等。今次乳豬要介紹既餐店係同多士有關，佢就係韓國出名既多士店—Isaac Toast and Coffee!!!乳豬今次就叫左MVP煙燻漢堡吐司、煙肉薯餅超級吐司同芝士脆薯炸熱狗🌭️MVP煙燻漢堡吐司首先，吐司外型夠大夠厚既，因為始終都唔平😂😂一個成年男人食一個都啱啱好夠飽既，面包上下兩塊都有烘烤過，但略嫌唔夠焦香，醬汁一咬落去係湧出黎既，餡料有夠多，但又無流哂出黎既，唔會整污糟双手，漢堡肉有濃濃煙燻味道，整體感覺滿足。乳豬指數：🐷🐷🐷🐷🐷🐷🐷煙肉薯餅超級吐司第二個吐司既口感比第一好，因為餡料都有兩樣，煙肉份量夠多，薯餅熱辣辣香脆好味，果真係合襯，醬料豐富每啖都咬到，缺點係面包唔夠焦香。乳豬指數：🐷🐷🐷🐷🐷🐷🐷🐷芝士脆薯炸熱狗其實乳豬就細個已經好鐘意食炸熱狗，但估唔到可以配合埋芝士同脆薯可以咁夾咁好食，加上佢有返咁上下粗大，口感一流，一咬肉汁在口中濺出，感覺一流。乳豬指數：🐷🐷🐷🐷🐷🐷🐷🐷