WM Café & Bar (科學園) (已搬遷) 新店位置

上星期日同個外地返嚟嘅朋友搞個踩單車活動，途經吐露港科學園嘅時候朋友話不如食個下午茶，結果就入咗呢間店前擺住餐牌有下午茶餐呢餐廳。入到黎餐廳先知道係小店經營模式，同朋友坐低之後就極速叫咗個下午茶餐，朋友叫咗個意粉，而我就叫咗個牛肉漢堡包，另外仲加幾蚊要左個南瓜湯。漢堡扒一食就知道係落order完先即刻煎，非常juicy, 薯條亦炸得非常香脆。食緊嘢食嘅時候先上湯，南瓜湯一飲真係好似食緊個南瓜咁，而且熱度啱啱好，我嗰時就心諗如果呢間野唔係科學園而係市區，我諗生意都應該唔憂做。就係咁係一個近乎完美嘅下午茶餐幫助，我同我朋友都渡過左一個好愉快嘅假日下午。