新麻蒲 BBQ (波斯富街) (已結業)

韓國野, 最好味係韓燒, 另一樣我最鍾意食係部隊鍋。呢間同朋友食過, 好唔錯。雖不是放題, 但呢款韓燒套餐,五佰幾有埋飲品和甜品和部隊鍋,算抵食。韓燒拼盤護心肉好好食, 豬肉咁有肉味, 都係第一次食到咁正。牛肋條和霜降牛也好好食, 前者有咬口, 牛肉味濃, 後者油花足, 牛味由淺至深滲出味蕾, 極品。大蝦是虎蝦, 好大隻, 燒係好鮮甜。另外韓國年糕燒起好軟糯。霜降牛壽司有火槍灸燒, d飯夠實, good! 部隊鍋d 辛辣麵好剌激, 千祈唔好煮咁腍, 彈牙最好食。D 咸香豬肉腸,韓燒夾生菜定係淥部隊鍋都好正。last 嘆韓國豆粉冰, d 豆粉有濃濃豆香, 雪花冰甜甜地又夠凍, 重有d 軟軟麻糬係上面呀, 有點似糖不甩呀, 好sweet!