Burger Bar (已結業)

香港打工仔日日 OT，都係為左搵餐晏仔，喺中環返工而又鍾意食 burger 既我成日都好想搵到間好食既 burger 餐廳（因為Shake Shack 離我 office 太遠），所以經過蘭桂芳見到依間餐廳即時要試下。首先要講下香港地寸金尺土，依間餐廳完美利用每一厘米，當然結果就係坐得無咁舒適， 張枱細到令我擺到一個 burger 之外唔可以擺其他小食，唯有同朋友們狂風掃落葉快快食哂啲野同佢可以收碟。 主角 steak mushroom beef burger 黎到，佢用料好新鮮，番茄同菜都好靚，mushroom 好 juicy ，肉質好稔，可惜嘅係，依個包係沒有調味！我諗佢係一粒鹽都無加，到底係咪依家要講究健康，所以要食得清淡啲？但如果我想健康生活，清菜淡飯，我點解要食 burger 呢？媽啊我真係好亂！炸洋蔥圈同埋炸魷魚依啲香口野炸得幾好食，可以一食。總括黎講想健康但又想食 burger 既人可以黎食下，或者自己調味，亦得！