美心西餅 (已結業)

每逢到旺角學日文經過地鐵站呢間美心都會買個包食過2款，1) 粟米蛋沙律包 d餡份量適中，蛋味不過濃，亦不覺滯，粟米係口感上有住重大既作用，增加咬口，但個人認為粟米份量多d好d。(個人口味)2) 吞拿魚蟹柳包$6.5 呢個包我覺得好好味! d餡料有吞拿魚沙律、蟹柳絲、洋蔥，吞拿魚沙律既mayonnaise幾少，唔會覺滯，非常好；蟹柳絲係口感上同味覺上都無咩大幫助，因為吞拿魚已經係味道上佔哂優勢，只不過佢可以增加些少顏色，感覺上餡料比較豐富；洋蔥脆脆的亦令口感得分更高，味道亦唔會太濃烈，相信不好洋蔥/怕佢陣味既人都可以一試。呢個包係我認為係美心眾多包類入面比較好既一個。