吞POT 雞煲火鍋.住家菜 (譽發廣場) (已結業)

一大班朋友上個星期帶咗我去吞pot度慶祝生日🎂今次係我第一次來，整體用餐體驗都好滿意👍🏻想食嘅嘢全部都食到了。佢哋話要食好啲，所以叫咗雞煲翅😍😍😍個湯頭濃郁唔在講，就連裏面嘅餸都真材實料！啲雞件全部都大大件，啲翅亦都一梳梳🥰而家睇到相已經好想再去食🥹我哋都盡量唔叫啲咁濃味嘅配菜，費事污染咗個湯底😂帶子皇就最啱不過，吸收灑雞煲翅嘅精華，好入味，食落鮮甜又啖啖肉。另外每次朋友都必點嘅生蝦刺身都好好食，爽彈又大隻，平時我唔食刺身都食咗兩隻😊成晚都食得好開心，都會介紹其他朋友過嚟試吓。