圓圓小姐 (山東街) (已結業)

打完邊爐，最好就附近去買下野飲，見到個個名lady BoBo，唔知係咪有特別岩女仔嘅飲品呢…..不過即刻俾個芋泥QQ吸引到。芋泥QQ鮮奶$36超級香濃嘅芋頭味，入邊仲有一粒粒煙煙銀銀嘅珍珠，暖暖地真係超正，因為天氣轉涼左，想飲手搖飲品，但係全部都係凍嘅為主，飲咗芋泥QQ鮮奶好滿足。戀戀草莓優格晶球$48係用新鮮嘅草莓整㗎，有三層唔同嘅口味，第一層係新鮮嘅草莓沙冰，第二層係乳酪，第三層係水晶球，飲落口嘅味道係酸酸甜甜，打完邊爐都好消濟，仲有層次唔同嘅口感，推介。整體而言唔錯，飲品選擇多，而且仲有熱賣推介，對於有選擇困難症嘅我來講，真係非常之好，因為只要揀頭三位一定好味嘅！