天御結 (已結業)

之前已經留意到中環ifc近天橋方向，有間日本既鋪頭叫天御結。佢主要賣御結、即整便當和特式飲品，屬外賣形式，没有坐位，鋪頭旁有枱可以供二至三人站著吃。店員好有禮貌和店舖好乾淨。今晚屋企無煮飯，我又再次經過，又俾佢地即整便當樣本吸引眼球，所以我決定買兩盒便當和一些御結俾屋企人食好西😋，豪一次咁多。佢今天有五款便當，價錢由$100-120元，而御結由$25起，可能位於中環地區，價錢亦是中高檔水平。我買左青森產照燒帆立貝（$120）、蜜糖芥未雞扒便當（$110）和新出獨立包裝御結回家品嚐，埋單都要約四百元多😳🙈最後，想講雖然價錢貴，但質素絶對有保證，會令人想再次幫襯。時間有限，下次有機會再試，再介紹其他食品。