西樹泡芙 (如心廣場二期)

營業中

休息中

主打泡芙嘅連鎖店西樹泡芙通常都係鐵路沿線見到，今次嚟到荃灣西站旁邊嘅如心廣場，都見到佢嘅蹤影。次次經過喺甜品櫃見到啲泡芙都好想食，非常吸睛，今次一於買嚟食個下午茶！芒果乳酪泡芙 $32泡芙外皮輕盈酥脆，好香牛油味，雖然一直雪咗喺雪櫃，但都依然保持酥脆。乳酪餡料的濃郁與芒果的清甜完美結合，酸酸甜甜，好有夏日清新嘅氣息。朱古力三重奏泡芙 $29外觀吸引，深色嘅朱古力外層看起來味道好濃郁，食落去亦都係有非常濃郁嘅黑巧克力味。朱古力餡料口感滑順，但微微牛奶朱古力嘅香滑，另外加上牛奶餡料，形成了層次分明的味道，平衡返朱古力嘅可可味，鍾意食朱古力嘅一定要試。抹茶紅豆泡芙 $29抹茶香氣十足，抹茶嘅淡淡甘甜味搭配着紅豆嘅甜味，感受到抹茶的清雅和紅豆的濃郁。泡芙的外皮依然保持著酥脆的口感，味道搭配唔錯。