山脈流川 (已結業)

和好友吹水食野的好去處地方易搵，裝修簡潔，有室內和室外坐位。天氣好時坐室外仲有陣陣涼風，好寫意。是次點了蟹子帶子墨汁意粉，三個all day breakfast, ice mocha, cappuccino,香蕉朱古力牛奶同綠茶朱古力牛奶。食物新鮮出品，份量十足咖啡和朱古力奶都有很多口味，味道同樣出眾。 蟹子帶子墨汁意粉墨味不特出，味咸，被牛油味遮蓋，意粉韌度合適。全日早餐有分all day同half day之分, all day 同half day 應是全份和半份的分別。全份的份量十足，連同行大食男生也夠飽飽食材種類豐富，有生菜椰菜沙律，配上醋汁和千島醬；炒過的磨菇大粒肉厚和灑在上面的香草合襯；罐頭茄汁豆和薯仔沒什麼特別；另外德國白腸不會太咸，不會太油膩；炒蛋香滑；牛角包細細，但勝在夠脆牛油味香，整體賣相吸引！味道屬中上之品。飲品方面都大杯，可以飲到幾耐。mocha咖啡味香，與朱古力味很夾，上面加有忌廉，格外細滑。朱古力飲品質地濃厚，雖然成樽朱古力都係冰，但係都唔會沖淡佢既味道。少有樓上咖啡室有此等水準，加上地方舒服，令人想一去再去。*此次是自費用餐。