影片
更多
2024-02-06
645 瀏覽
原本想話去強記小廚，點知係門口聽到一位女士同侍應以下對答...."請問無訂枱有無位呀?""無!""咁..... 係門口等枱又得唔得呢?""無位! 爆埸!"聽到咁清楚嘅答案，唯有轉場啦! 行去強記嘅時候經過水記，標榜自己嘅燒排骨 "唔認第一，都係第一"，咁我就打住拆佢招牌心態，睇吓佢D燒排骨有幾掂!另外再點咗泰式海蜇沙律，炸大腸同蠔仔粥.哩間水記好奇怪，泰式菜又有潮州菜又有廣東菜又有，但店舖細細廚房細細，勁!炸大腸一上枱，果種獨有騷味撲鼻! 外脆內軟無肥膏，好過楚撚記，因為份量多過楚撚記，而味道不相伯仲.蠔仔粥有D扣分，因為蠔仔有丁點蠔殼，雖然只有一丁點，但影響口感極大! 就好似食雞蛋有蛋殼，唔知點解好抗拒哩種感覺，但其他正常無問題.泰式海蜇沙律嘅海蜇份量嚴重不足，而且對於唔食辣嘅我感覺好辣!最後嘅名菜燒排骨，外相一般顏色過深唔夠吸引，另外唔夠熱，口感嘛..... 算叫做鬆軟 Juicy，質感已到邊緣，如果再燒多半分鐘已經過火.燒排骨就唔夠熱，但餐廳細細嘅環境就好鬼熱! 無開冷氣，環境又有D污糟，我仲幫佢用濕紙巾抹抹份 Menu，俾唔落好評囉....轉頭book場去強記！睇佢點解爆場！
"請問無訂枱有無位呀?"
"無!"
"咁..... 係門口等枱又得唔得呢?"
"無位! 爆埸!"
聽到咁清楚嘅答案，唯有轉場啦! 行去強記嘅時候經過水記，標榜自己嘅燒排骨 "唔認第一，都係第一"，咁我就打住拆佢招牌心態，睇吓佢D燒排骨有幾掂!
另外再點咗泰式海蜇沙律，炸大腸同蠔仔粥.
哩間水記好奇怪，泰式菜又有潮州菜又有廣東菜又有，但店舖細細廚房細細，勁!
炸大腸一上枱，果種獨有騷味撲鼻! 外脆內軟無肥膏，好過楚撚記，因為份量多過楚撚記，而味道不相伯仲.
蠔仔粥有D扣分，因為蠔仔有丁點蠔殼，雖然只有一丁點，但影響口感極大! 就好似食雞蛋有蛋殼，唔知點解好抗拒哩種感覺，但其他正常無問題.
泰式海蜇沙律嘅海蜇份量嚴重不足，而且對於唔食辣嘅我感覺好辣!
最後嘅名菜燒排骨，外相一般顏色過深唔夠吸引，另外唔夠熱，口感嘛..... 算叫做鬆軟 Juicy，質感已到邊緣，如果再燒多半分鐘已經過火.
燒排骨就唔夠熱，但餐廳細細嘅環境就好鬼熱! 無開冷氣，環境又有D污糟，我仲幫佢用濕紙巾抹抹份 Menu，俾唔落好評囉....
轉頭book場去強記！睇佢點解爆場！
張貼
