Grand Majestic Sichuan

營業中

休息中

因為睇左黑白大廚，所以想試，不過草根開嘅我們去到有點不自在，首先川菜是中菜，但全店服務員都係外國人，落單用英文但明明係中菜，我明白嘅，中環位置，定位較高級食府，有dress code，裝修環境優雅，平日lunch set$688加一，中環金融才俊幫襯佢就等於我們幫襯茶記，講咁多只係想表達餐廳氣氛同我們平時出開街食飯嘅食店唔一樣，至於食物方面係好食嘅精緻嘅款式多嘅，性價比高嘅，特別撞啱優惠活動每位$488加一任點任食前菜+菜類及主食，主菜每人選一款，主菜揀左酸菜魚，十年陳皮牛肉都相當好食，酸菜魚用石班魚塊又厚又滑，陳皮牛肉係驚喜之作，從未食過嘅菜式厚而不韌，調味酸酸甜甜配搭陳皮味嘅餘韻，相當開胃，肉質似係用牛造嘅叉燒食落幾特別，各式前菜，菜類主食都任點任食，睇落簡單食落就食得出廚師嘅用心同調味嘅細節，總之盡情試就是啦，總結Grand Majestic Sichuan試一次絕對不會令你後悔。