日熹樓 (已結業)

上星期去了灣仔群策大廈一間食上海菜的食肆午餐。那裏的裝修頗有特色，環境舒適而且闊落。五香薰蛋（$58）蛋黃流心，蛋面鋪了魚子取代了傳統的准鹽，食落卜卜聲，幾有趣，但兩隻蛋要成＄58比其他店餔貴。脆皮素鵝（$68）非常細碟，腐皮唔夠香脆，味道冇特別，＄68一碟不值。爆汁牛肉餡餅（$38）亦細得可憐，和湯匙差不多大細，餡料自然不多，爆汁程度一般，食落oK啦。黃金魚粒薑米炒飯（$88）好彩比想像中大碟，但普普通通炒飯一碟而矣。蜜汁方塊（$118）亦頗細碟，只可夾四塊分量，幸好夠蜜味，而且蓮子不會太淋。整體喜歡這裏環境舒適，但可惜味道一般而且碟頭太細！