Simply (已結業)

小店好近新九龍廣場，離奧海城三期五分鐘步程，精緻裝修，坐落舒服，餐牌大部份都係一百蚊樓下既西餐。餐牌有多款意粉沙律選擇，今日天陰陰，所以點了熱食BBQ 醬烤骨試試。上左南瓜湯作前菜，大約等了十五分上Main course; 第一點要讚，八十蚊既BBQ 骨份量十足，一份七條骨，濃濃既BBQ 醬焗完熱辣辣又有小許脆邊，天寒地凍下作午餐一流。同一質素，商場入面起碼賣百五。 見好多食客加錢點水牛鷄翼，我自己就下次再細嘗。其實好多時候，大角嘴有新開好野，各位街坊都識自己搵食。 今日毛毛雨，但十二點半前後，食客都坐滿左餐廳，係有好嘢食既必然現象吧。