Kelvin's Kitchen (已結業)

去左觀塘, 行到宜安街, 見到有新店就入去試下。佢講明吾落味精, 連雞粉都吾落, 真係難得。同太太2人, 叫左1個飯, 1份龍利魚餐。牛尾飯份量幾好, 有5,6件牛尾, 牛味好香, 個汁味道同牛尾好夾。龍利魚上枱時十分驚喜, 因為出街食龍利魚, 都只係魚柳, 而且仲係雪藏, 一陣雪味。原因呢間餐廳個龍利魚係原條, 煎得好靚, 好完整。廚師煎魚功架一流2份主菜都喜出望外, 食完主菜, 當然要試埋甜品。梳夫里一攞到來, 已經聞到好香蛋白香味, 個賣相仲好得意tim!食落味道都好好, 吾太甜, 好香, 夠熱夠新鮮。食完後, 攞左張餐廳卡片, 原來大廚之前係四季酒店做, 吾怪得味道十分好。而且食到真係無味精同雞粉。