Panash

營業中

休息中

每逢星期三早上我都要去寶琳做野，做野前買個喜歡既麵包，食完開始一日既工作。panash日式麵包店，價錢會相對貴少少，不過用既靚材料，令質素都有相當高既保證，仲有埋新鮮出爐時間俾你參考😅有兩款我特別喜歡，日式蛋沙律軟薯包同香脆蘋果批。薯包內有沙律菜，碎蛋沙律，蕃茄，賣相賞心悅目，望到已經精神為之一振，一口咬落去好滿足，幾種材料完美融合，飽腹感強。而香脆蘋果批我都好喜歡，佢個批上面好多蘋果粒，加埋酥皮焦脆口感，甜甜酸酸，開胃醒神。