越南人 (已結業)

真係好呆!首先, 話左要落order, 個大嬸侍應話等一陣, 咁佢埋熙單, ok, 等一陣囉~點知, 佢陸續幫其他人落order就唔記得左我地~ 我見仲有個弟弟侍應, 不過佢好似唔係好識咁, 所以之前都唔敢叫佢, 但由於大嬸真係忘記左我地, 我地咪博下叫個弟弟, 點知原來佢係識落order, 不過佢一直個樣係冇表情, 好呆...我地叫左:1) 香茅豬扒湯濛2) 香茅雞扒湯河3) 西貢蔗蝦4) 粉包首先, 佢原經黎錯左, 黎左個香茅豬扒湯河, 我地一心諗住唔好煩喇, 如果佢黎番個香茅雞扒湯濛, 咁我地就自行掉轉啦, 點知等左好耐, 冇野黎既, 又催催佢啦, 同佢講話其實黎錯左, 大嬸又唔知講咩, 溝通唔到!! 所以都係算啦...黎左個香茅雞扒湯濛, 自已掉番轉塊扒囉! 可能我太肚餓啦, 我覺得冇咩野, 唔算好難食~西貢蔗蝦, 真係有d蝦肉味架~粉包就真係不知所謂, 都唔知想點...一咬就散哂, 塊皮又黏住哂隻碟, 即係未食已經冇左一半~味道麻麻都算, 地方擠迫都算, 問題最大都係d服務囉!