Delish (已結業)

打完風後的朝早，趁公眾假期帶住女女去愉景新城放電。10點零鐘附近所有餐廳都已經逼爆，剛好見到呢間Delish 11點開門，由於之前食過晚餐都唔錯，所以就帶住個女一行4人行去食個brunch。結果就咁出事。落單時都無咩野，除左兩位侍應比較鍾意自己企晌到傾計之外，環境相對唔錯。但係坐左四個字後，水都飲晒(無人自覺添水) ，但一碟食物都無影。結果搵個侍應斟水時問佢，而佢聲稱會追追張單。再等多10分鐘，依然咩野食物都無，而水又再次飲完，但一樣無人會自覺添水。由入座計已經呆等了半小時，再次追問侍應下先話仲要再等多十分鐘。Last chance，但結果等了45分鐘後，依然乜野都無。結果一肚氣咁離開呢間所謂“餐廳”。而晌呢45分鐘裡面，我係未見過有一碟食物、一杯咖啡由廚房拎過出黎，係一樣都無！即係如果廚房無人返工的話，麻煩你地通知食客，而唔係企埋一二邊自己吹水而由個食客晌到呆等。可能呢次係一個one off experience，但無論如何，如果你無食物放到上餐枱，你啲食物幾好味、價錢幾抵，都無意思。