千里禪新懷石料理 (已結業)

千里禪剛開張時提供懷石料理走高價路線午市定食要3百多元，雖然味道不錯，但每次去都只得2－3枱客，擔心佢會做唔住。 之後去幾次餐牌都不停革新，價格下調，到今天終於提供較為大眾化嘅午市定食。周末午市定食由$98起到$328，提供不同選擇。今次叫咗$238自選壽司定食12件及$128牛肉壽喜鍋定食。自選壽司定食可以從壽司紙上揀12件，每款可以選2件， 貴價嘅大拖羅同海膽都可以揀。 壽司刺身非常新鮮，可以媲美在日本嘅壽司店 ，尤其是赤蝦好彈牙，海膽甜美濃郁，大拖羅食落滿口都是魚油 。 壽司飯份量係一般迴轉壽司店的一半， 我個人比較喜歡少飯，因正常12件壽司都差不多有2碗飯，對女士來說太多喇。牛肉壽喜鍋定食嘅牛肉軟滑，壽喜汁帶少少甜味，呢款鍋基本上只要牛肉不太差都會好味嘅。飯後有甜品，餐茶比較特別可以揀抹茶，抹茶是即刻人手打， 帶有少少苦澀味，但飲完後口腔內會有一點點回甘， 很不錯。