影片
更多
2018-06-23
175 瀏覽
一到星期六日，十一點幾起到身覺得自己已經好叻豬，平時返工咁辛苦所以無係屋企煮，出街街食慰勞下自己(其實係懶得煮XD)，諗住去食東蔭公公，點知去到先發現東蔭公公汁左，變左做Mee...lemongrass ！去到嘅時候已經係2點，竟然都仲有人排緊隊，心諗咩料...唔通一個二個住將軍澳嘅人都就走黎嚐鮮。行去Menu一睇，心諗：嘩...都真心唔平Bo，一個飯都要成60-80蚊，而且仲要另收加一。如果唔係因為間鋪新開，試下新屎坑，都應該唔去食。入到去住坐低，發現張墊檯紙原來有D小心思，原來係佢地鋪頭係香港嘅分佈，而且仲有個商場嘅樣，非常可愛！好彩Menu 有編號，如果唔係都好意思同侍應生講我要個"Mee....喇沙，大蝦，蜆肉，蟹柳，魚蛋，豆卜，雞蛋"。等左一陣，我個餐終於到啦，真係餓死寶寶。嗰餐嚟到嘅時候非常驚喜，是關我無睇字，唔知道個餐原來係有跟沙律同甜品，套餐得黎覺得比較特別同有心思，而且個喇沙望落非常足料，好喇好喇，雖然貴貴地，但個感覺好似抵返D咁！本人非常鐘意食瓜瓜菜菜，見到有豆角、木瓜、紅蘿蔔等就已經好開心，食落去，個沙律夠哂凍，而且唔係好辣，酸酸甜甜，非常開胃又唔會因為太辣而好辛
去到嘅時候已經係2點，竟然都仲有人排緊隊，心諗咩料...唔通一個二個住將軍澳嘅人都就走黎嚐鮮。行去Menu一睇，心諗：嘩...都真心唔平Bo，一個飯都要成60-80蚊，而且仲要另收加一。如果唔係因為間鋪新開，試下新屎坑，都應該唔去食。
入到去住坐低，發現張墊檯紙原來有D小心思，原來係佢地鋪頭係香港嘅分佈，而且仲有個商場嘅樣，非常可愛！
好彩Menu 有編號，如果唔係都好意思同侍應生講我要個"Mee....喇沙，大蝦，蜆肉，蟹柳，魚蛋，豆卜，雞蛋"。
等左一陣，我個餐終於到啦，真係餓死寶寶。嗰餐嚟到嘅時候非常驚喜，是關我無睇字，唔知道個餐原來係有跟沙律同甜品，套餐得黎覺得比較特別同有心思，而且個喇沙望落非常足料，好喇好喇，雖然貴貴地，但個感覺好似抵返D咁！
本人非常鐘意食瓜瓜菜菜，見到有豆角、木瓜、紅蘿蔔等就已經好開心，食落去，個沙律夠哂凍，而且唔係好辣，酸酸甜甜，非常開胃又唔會因為太辣而好辛苦，好啱我口味！
嚟到戲肉啦，嘩....好正呀，好多料呀，聞左聞，飲左啖湯，一入口順口得嚟，椰香味重，帶少少微辣，個湯非常唔錯。重要嘅野要講多次，呢碗野唔單止多料，而且蝦大大隻，肉丸唔會太多肥豬肉，魷魚又唔會煮得太老，可以每食一啖麵都有餸伴，真係非常開心。唯一美中不足嘅係豆卜唔索汁，如果豆卜可以食落去好Juicy 的話，人生就真係Perfect 哂喇。
鯨吞完碗麵之後，就食埋呢個甜品，望落除左Cream 之外，真係唔知佢係咩甜品。
原來係斑蘭蛋糕，個甜品唔會太甜，但如果凍D就好喇。至於杯凍泰式奶茶呢，可以再濃少少，稍為唔夠香，無果陣「泰」味。
不過總括黎講都係幾好食嘅，偶爾食下都唔錯！
張貼
