影片
更多
2023-09-24
457 瀏覽
今日係生日，男朋友專登book咗呢間嚟試。本身好期待，因為我哋之前都有食過香港其他專食壽喜燒嘅餐廳都好鍾意食。呢間餐廳喺confirm booking嘅時候要求男朋友寫低信用卡嘅資料，講明如果唔出席會扣張卡200蚊。我哋早咗到，一入門口，reception位置冇staff喺度standby，等咗好幾分鐘先有人過嚟，雖然未有位坐，但係個staff畀咗個QR code我哋，叫我哋落咗單先。我哋嚟之前已經有共識打算嗌最貴嗰個600幾蚊嘅極上餐，話哂都係第一次嚟當然係想試咗最靚嘅先。一打開QR code，最貴嗰個餐寫住sold out，但係嗰陣時只係六點幾。再碌落少少，就發現反而散嗌嘅貴牛冇sold out。以為係可能個app出錯，即刻問番個staff，個staff就答話，因為係”稀少部位”所以只供散嗌，冇得叫餐。此時已經R哂頭，既然冇得叫最貴嘅餐咁點解要放喺個menu度？睇番open rice其他comment原來有其他人都係咁。我哋都冇辦法，唯有坐低咗，order咗第二貴嘅餐(500蚊左右)。Order完冇幾耐，有幾個staff分別將前菜，蛋，牛，白飯，菇菜，全部放哂上枱面，並冇等我哋食完
我哋早咗到，一入門口，reception位置冇staff喺度standby，等咗好幾分鐘先有人過嚟，雖然未有位坐，但係個staff畀咗個QR code我哋，叫我哋落咗單先。我哋嚟之前已經有共識打算嗌最貴嗰個600幾蚊嘅極上餐，話哂都係第一次嚟當然係想試咗最靚嘅先。一打開QR code，最貴嗰個餐寫住sold out，但係嗰陣時只係六點幾。再碌落少少，就發現反而散嗌嘅貴牛冇sold out。以為係可能個app出錯，即刻問番個staff，個staff就答話，因為係”稀少部位”所以只供散嗌，冇得叫餐。此時已經R哂頭，既然冇得叫最貴嘅餐咁點解要放喺個menu度？睇番open rice其他comment原來有其他人都係咁。
我哋都冇辦法，唯有坐低咗，order咗第二貴嘅餐(500蚊左右)。Order完冇幾耐，有幾個staff分別將前菜，蛋，牛，白飯，菇菜，全部放哂上枱面，並冇等我哋食完前菜先上其他嘢。
前菜係三樣嘢: 慢煮和牛配黑松路沙律醬，麻醬豆腐，同雞軟骨丸子。全部都係不過不失冇乜驚喜。個staff只有好hea咁用3秒介紹過個前菜就行開咗。
跟住到食完前菜，有人埋嚟幫我哋整牛肉。牛分咗兩碟，個staff全程都冇任何嘅解釋，直到我哋問，佢先答咗一句話其中一碟係西冷嚟。咁佢就煮咗西冷先嘅，牛脂用咗合成牛脂，白色會溶嗰種，而唔係一般壽喜燒會使用嘅由牛肉切出嚟嘅真牛脂，另外個staff又倒極大量嘅汁，個牛係被煲熟而唔係煎熟，完全冇香氣，個staff一粒聲都冇出就將塊牛掉落去啲冰凍嘅蛋汁度，不足10秒，塊牛已經變咗全冰凍😅加上塊牛仲有條勁闊嘅肥膏邊係冇cut走，亦都有筋，真係算不上好食。
食完第一塊牛，個staff就將所有菇菜放哂落個煎pan度，連埋啲和牛一齊煲，呢part都冇問題，但係我哋真係想可以煎香少少先食，唔想浪費咗淨番嘅牛，所以食完嗰一round我地就要求換咗個煎pan打算自己嚟整算，唔想再由佢哋嘅staff去整我哋嘅牛🥲
換咗個新嘅之後，有另一個女仔staff埋嚟問都冇問就又倒到成個pan都係汁，stop都stop佢唔切，我哋講多一次畀我哋自己嚟啦。
我哋煎到一半好地地，又再一次有另一個staff埋嚟，又係冇問我哋就想直接倒啲水落個pan度，我地三番四次講我哋唔想加水，佢就堅持話應該要加水喺度同我哋拗，我最後忍唔住話，不如真係等我哋自己嚟😅個staff先至肯行開。
終於食完枱上嘅嘢，上咗個柚子雪芭，味道偏甜但正常。
食完想去廁所，問個staff廁所喺邊，都係單手插住袋好hea咁指畀我睇，仲要同另一個staff傾偈傾得好開心。其實如果呢間係一間普通嘅餐廳，可能都唔覺得有咩問題。
但係呢間嘢係專賣壽喜燒，埋單都成千蚊唔係特別平，真係唔expect d staff可以hea到咁，毫無服務態度可言。嘢食亦完全冇出眾嘅地方。呢間嘢真係冇下次🙂Overall嚟講體驗都有少少差。
0 瀏覽
1 讚好
0 留言
張貼
