Simplylife Bakery Cafe (已結業)

上上個星期去左吃晚餐，因為早去，所以唔駛等位。兩個人，叫左兩個晚餐。食物，主菜，ok。都係咁味既西餐囉。如果要好似以前咁勁排隊，我堅覺得唔值得囉。我唔會囉。之前去銅鑼灣吃過一次。嗰次都係早去唔駛排，走嗰時，見到條龍勁長囉。唔知依家仲係咪呢。食物無乜好講，反而想講下呢間舖既設計。你一齊人，佢就會放底啲掟死狗既面包，兩個人，佢會俾三舊，用個木盤盛起，好大睇既。咁無人話一定要吃完啲掟死狗既包至可以吃主菜架。咁就照叫啦，傾下講下，兩個主菜齊。食過既都知，佢地個碟，係好大既，當齊主菜既時候，問題就泥啦，嗰張唔知乜腦殘設計師唸既小圓枱，點放呢？我地仲有兩杯水喎。更加腦殘既係，辛辛苦苦放好嗰大隻碟喺張幼稚園枱仔度啦。無水，叫人refill ，哈！竟然係攞兩個茶壺過泥。我完全唸唔到啲野可以點放囉！！你明知自己張枱細，就唔好攪咁多野啦。當時，我即刻唸起，食神！「啲汽水有幾多冰放幾多冰，啲魚蛋有幾咸就幾咸。」呢間野，係主力，有幾亂，就整到你有幾亂，為求你坐唔安食唔落，快啲走，唔好撞住張枱。正常人，都唔會唸住用張咁既枱啦！嗰晚食左卡幫尼意粉。好食。但唔會再去。咁既價錢，坐得舒服啲既，呢個世代，多的是。