Route 83 (逸峯商場)

營業中

休息中

今日放工之後一個人返到去粉嶺，心諗呢個星期做得咁辛苦一於食餐好嘅！咁啱就路過逸峯見到佢個門面都好似唔錯， 就決定入去試吓！入到去唔理三七廿一首先點左個凱撒沙律先，個沙律賣相普通但勝在夠新鮮👍🏻之後我仲嗌咗芝士煙肉焗青口，呢個真係幾好食，個價錢仲要唔貴👍🏻煙肉同嗰個青口邊都仲係脆的，而且芝士個份量係適中唔會覺得太多，唔會搶咗青口嘅鮮味👍🏻主菜我就叫左個香煎吞拿魚扒配薯蓉，我本人覺得呢個超好食！除咗個賣相好睇之外，佢個魚扒本身已經非常鮮味，再配埋埋佢個醬汁，係魚本身的鮮味提升到另一個層次！再加埋個薯蓉，個份量真係剛剛好！👍🏻👍🏻買單嘅時候發覺個價錢真係唔貴！性價比高👍🏻。。下次一定再黎！