Figaro (已搬遷) 新店位置

好拍檔約我出來食個晏，佢話佢呢日係上環返工，咁我就下佢由太古城過去啦。去到都無idea食乜，成點鐘間間都係人，九記仲排成幾條街😨。行到有個樓梯位，唔知係咪因爲要上幾級，特別少人。咁我地就揀左呢間試下。係門口等以為得樓下好少位，原來樓上仲有一層。安頓好就叫左兩個set lunch。先黎個湯，以為普通忌廉菜湯。點知入口好香，應該係有魚味，好鮮好好飲！正！主菜我就叫左個燒雞脾配飯。餐牌寫雞係日本雞，飯都係日本米。配左個蜜糖汁，隻雞皮薄香脆，肉味好重。啲雞肉仲好鬼juicy！🤤🤤🤤拍擋叫既呢個係日本豬排，勁厚切。開頭仲驚佢好硬好乾，點知又係好爆汁又好易入口，又係驚喜！餐飲叫左個果汁疏打，好香既一陣似橙加芒果，又唔係好甜。都幾okay。食左個甜品添。Crème brûlée 食落就比主菜差少少。唔知點解食到有姜味。。仲有好少量燒完既gas味。不過係幾滑既。去到俾錢先知呢排有八折添，食晏都有折真係少有。原本諗住再去食隻多次雞，點知聽到好似下星期轉menu，唔知仲有無燒雞了，不過聽到有拉麵😍又想試下。有機會再來！