影片
更多
2020-10-03
632 瀏覽
當年讀書好鍾意去南山村街市食lunch，今日特登約埋老友返去嗰邊回味一下！太耐冇黎，街市有啲檔口已經唔同咗，行到中間大樓梯附近見到有間西餐廳，雖然原本唔係諗住嚟呢度食，但見價錢非常相宜就走入去試吓！坐低見到午餐都係幾十蚊，有餐湯或者沙律跟飲品，就叫咗個羅勒醬意粉同肉眼扒試吓。我哋一個叫沙律一個叫餐湯，大家都冇諗到係街市會食到咁高質素嘅西餐廳，沙律菜新鮮又乾淨，餐湯亦唔係一般開粉嘅湯，飲落有蕃茄嘅微酸，又有甘筍嘅清甜，加上少許橄欖油，更加滑口！香煎帆立貝羅勒青醬意大利粉- 呢度嘅青醬好特別，唔係平時食都油淋淋只有香草味嘅一種，而係好重nuts味，再帶有羅勒葉香嘅味道，比例平衡非常之好！更重要嘅係，帆立貝好大粒，煎得金黃，外邊微焦，但內裏仍然軟熟，厚身又有帶子味，點估到係街市嘅餐廳會食到咁嘅質素？！紐西蘭牛肉眼扒- 鍾意鋸扒嘅朋友真係唔好錯過，無論係肉眼扒定係伴碟嘅薯條，一樣咁大份！肉眼扒仲要有得揀熟度，可能其他人都會覺得呢樣嘢係好普遍，但我覺得係街市嘅西餐廳有咁嘅選擇，真係好難得！而且肉質煮出嚟仲要相當唔錯，紅酒汁煮得微甜又夠香，粗薯條好重薯仔味，絕對唔係一般貨色！更令我意外嘅係佢有埋焗
太耐冇黎，街市有啲檔口已經唔同咗，行到中間大樓梯附近見到有間西餐廳，雖然原本唔係諗住嚟呢度食，但見價錢非常相宜就走入去試吓！
坐低見到午餐都係幾十蚊，有餐湯或者沙律跟飲品，就叫咗個羅勒醬意粉同肉眼扒試吓。我哋一個叫沙律一個叫餐湯，大家都冇諗到係街市會食到咁高質素嘅西餐廳，沙律菜新鮮又乾淨，餐湯亦唔係一般開粉嘅湯，飲落有蕃茄嘅微酸，又有甘筍嘅清甜，加上少許橄欖油，更加滑口！
香煎帆立貝羅勒青醬意大利粉- 呢度嘅青醬好特別，唔係平時食都油淋淋只有香草味嘅一種，而係好重nuts味，再帶有羅勒葉香嘅味道，比例平衡非常之好！更重要嘅係，帆立貝好大粒，煎得金黃，外邊微焦，但內裏仍然軟熟，厚身又有帶子味，點估到係街市嘅餐廳會食到咁嘅質素？！
紐西蘭牛肉眼扒- 鍾意鋸扒嘅朋友真係唔好錯過，無論係肉眼扒定係伴碟嘅薯條，一樣咁大份！肉眼扒仲要有得揀熟度，可能其他人都會覺得呢樣嘢係好普遍，但我覺得係街市嘅西餐廳有咁嘅選擇，真係好難得！而且肉質煮出嚟仲要相當唔錯，紅酒汁煮得微甜又夠香，粗薯條好重薯仔味，絕對唔係一般貨色！更令我意外嘅係佢有埋焗蒜頭，呢樣唔係間間餐廳都有， 亦係其中一個我好欣賞嘅地方！
最後加個蛋白檸檬撻share一齊食，跟餐只係加$20 ，酸酸地中和返頭先食咗咁豐富嘅食物，非常之滿足。
呢間餐廳嘅性價比真係非常之高，廚房出品好有質素，如果仲係讀緊書嘅日子，必定成為我哋嘅飯堂！
張貼
